Con Smit Xatirə Fondu sizi 2010-cu il üçün Con Smit Təqaüd proqramında iştirak etməyə dəvət edir. Ərizə qəbulu  Con Smit Xatirə Fondu adından British Council tərəfindən həyata keçirilir.

Təqaüd Proqramına aşağıdakı ölkələr müraciət edə bilərlər: Azərbaycan, Ermənistan, Gürcüstan, Qırğızıstan, Moldova, Rusiya, Ukrayna

Təqaüdün məqsədi Böyük Britaniyada keçiriləcək beş həftəlik proqramda yaxşı idarəçilik anlayışını möhkəmləndirmək və demokratik cəmiyyətdə çalışan təşkilatların işini göstərməkdir. İdeal namizədlər 25 – 40 yaşlı, siyasi sahədə, yerlı idarəetmədə, media və ya vətəndaş cəmiyyətində çalışan, demokratik dəyərləri və yaxşı idarəetməni inkişaf etdirməkdə marağı olan şəxslərdir.

İngilis dilində yaxşı yazı və danışıq vacibdir. Namizədlərdən son seçim prosesində  IELTS imtahanı keçmələri tələb oluna bilər. Heç də bütün finalçılardan imtahanda iştirak etmək tələb olunmur. Belə ki, müsahibə komissiyası lazım bildiyi təqdirdə imtahan keçirmə hüququna malikdir. İmtahanın haqqı Con Smit Xatirə Fondu tərəfindən ödənilir.

PROQRAMIN MƏQSƏDİ

Con Smit Təqaüd Proqramının başlıca məqsədləri aşağıdakılardır:

			Fikir mübadiləsi aparmaq, təlimlər keçirmək, demokratik təcrübə barədə məlumat vermək və dürüst idarəçiliyi təbliğ etmək məqsədilə vətəndaş cəmiyyəti və siyasət sahəsində gənc liderləri bir araya toplamaq
			Yetkin demokratiyanın düzgün idarəçilik, qanunun aliliyi, insan haqları və sosial ədaləti dəstəkləyərək inkişaf etdirməsi, hakimiyyətdə demokratik istifadə və cavabdehliyi genişləndirməsi yolları barədə bilikləri dərinləşdirmək
			İştirakçılar arasında həm ölkələri daxilində, həm də xaricində dialoq yaratmaq, gənc liderlərlə Birləşmiş Krallıqda bənzər sahələrdə fəaliyyət göstərən həmkarları arasında əlaqələr qurub dəstəkləmək.
			Dürüst dövlət üçün çalışan gənclər arasında fəal şəbəkə yaratmaq

PROQRAMIN ƏHATƏ SAHƏLƏRİ

Con Smit Təqaüd Proqramı aşağıdakı sahələri əhatə edir:

			Demokratiyada mötəbər idarəetmə
			Vətəndaşlıq, qanun və hüquqlar
			Vətəndaş cəmiyyəti və ictimai fikir
			Hökumətdə, idarəetmədə, biznes və ictimai həyatda məsuliyyət
			Beynəlxalq institutlar və əlaqələr

PROQRAMIN TARİXLƏRİ VƏ STRUKTURU

Program 5 həftə, 2010-cu ilin İyun ayının 5-dən İyul ayının 9-a kimi davam edəcək və aşağıdakı qaydada təşkil etmişdir:

			Edinburqda – Şotlandiyada ilkin həftə
			Demokratik hökumətdə siyasi proseslər barəsində iki həftəlik intensiv seminarlar. Seminarlar Şotlandiyada və Londonda keçirilir
			İştirakçıların Böyük Britaniyada əldə etdikləri təcrübəni öz ölkələrinə qayıtdıqdan sonra necə tətbiq edə biləcəklərini göstərən “fərdi fəaliyyət planlarının” hazırlanması. Zəhmət olmasa http://www.johnsmithmemorialtrust.org/web/site/home/ActionPlans.asp veb səhifəsinə daxil olmaqla 2008-ci və 2009-cu illərin iştirakçılarının  fəaliyyət planlarını nəzərdən keçirin.
			Britaniyadan dəvət olunan qonaqlarla birgə hamının marağında olan məsələləri müzakirə etmək imkanı yaradan həftə sonu konfransı. Bu konfrans “Leadership Trust” tərəfindən maliyyələşdirilir, konfransın keçirildiyi məkan isə Ross-on-Wye, Herefordshire olacaq.
			oQHT-lər, siyasət xadimləri, mərkəzi hökumət, yerli icra hakimiyyətləri yaxud mətbuat nümayəndələri də daxil olmaqla uyğun təşkilatlarla, və ya fərdi şəxslərlə hər bir iştirakçı üçün ayrıca uyğunlaşdırılmış təcrübə. Təcrübə üçün fərdi şəxslərin və təşkilatların tam siyahısını http://www.johnsmithmemorialtrust.org/web/site/Supporters/attachment_hosts.asp bilərsiniz.
			Parlamentə və digər müəssisələrə səfərlər və toplanmış təcrübənin müzakirəsinə imkan verən Londonda keçiriləcək son həftə
			oSonuncu həftədə iştirakçılar öz layihələrini Britaniya Ədliyyə Nazirliyinin, Con Smit Xatirə Fondunun və British Council-ın nümayəndələrinə təqdim edirlər.

Təqaüdçülərin qayıtdıqdan sonra fərdi fəaliyyət planının hazırlamaları gözlənilir.  12 ay sonra proqram iştirakçıları Londonda konfransda bir araya yığılaraq  fəaliyyətləri barədə məruzə edir və inkişaf müqayisə olunur – bunun təqaüdün bir hissəsi olduğunu nəzərə alaraq bütün təqaüdçülərin iştirakı vacib sayılır. Bütün bunlar 2011-ci ilin Təqaüd proqramı zamanı baş verəcək və 2010-cu ilin təqaüdçüləri 2011-ci ilin təqaüdçüləri ilə görüşəcək.

Şəbəkə

Təqaüdçünün evə döndükdən sonra yaratdığı əlaqələrin dəyəri, öyrəndiklərini həyata keçirməsi çox vacib məsələdir. Təqaüd bitdikdən sonra Con Smit təqaüdçüləri bütün dünyadan olan təqaüdçüləri bir araya toplayaraq birgə layihələrin və əməkdaşlıq forumunun həyata keçirilməsini təmin edən Məzunlar şəbəkəsinə qoşulurlar.

ƏRİZƏ VERƏ BİLƏRSİNİZMİ?

Seçim zamanı Con Smit Fondu öz ölkələrinin gələcək inkişafında iştirak etmək iqtidarında olan  və buna səy göstərən gənc liderlərə üstünlük verir. Seçim aparılarkən siyasi liderlər, hökumətdə və ya yerli idarəçilikdə çalışan rəsmilər, jurnalistlər/media mütəxəssisləri, vətəndaş cəmiyyəti yaxud QHT-lərdə çalışan gənc liderlərdən ibarət iştirakçıların seçilməsinə üstünlük verilir. Seçimin digər şərtləri aşağıdakılardır:

			Bu proqram barədə təsəvvürün olması: Namizədlərin bu Proqramın nədən ibarət olması və iştirakçılardan nəyin gözlənilməsi barədə tam təsəvvürü olmalıdır. Biz,  John Smith təqaüdü proqramı barədə məlumat əldə etməyi və  John Smith Memorial Trust Facebook Group şəbəkəsinə daxil olmağı məsləhət görərdik
			Yaş həddi: 25-40 yaş arası, bəzən müstəsna hal kimi bu yaş kateqoriyasından bir qədər kənara çıxılır
			İngilis dili biliyi: IELTS səviyyəsində 6 və daha yüksək. Qeyd: Ərizə verərkən test nəticələrini təqdim etməyə ehtiyac yoxdur. IELTS testinindən keçmək bütün iştirakçılara şərh olunmur (Necə müraciət etməli? bölümünü oxuyun).
			Təcrübə: Namizədlərin uyğun iş təcrübələri olmalıdır və bu proqrama müraciət edərkən işləməlidirlər. Qeyd: İşdən verilmiş bütün rəy məktubları yoxlanacaqdır
			İxtisası: Namizədlər siyasət, mərkəzi hökumət, yerli hökumət, iqtisadi inkişaf, mətbuat, hüquq (xüsusən, insan haqları sahəsi) yaxud QHT sektorunda işləməlidirlər.
			Hazırda, yaxud gələcəkdə liderlik bacarığına malik olmaq: Namizədlər öz karyeralarında uğur qazana bilmək üçün və cəmiyyətdə təsir göstərə bilmək üçün potensiala malik olmalıdırlar.
			Siyasi/sosial inkişafda fəallıq: Namizədlər siyasətdə yaxud vətəndaş cəmiyyətində fəal iştirak etmələrini sübut etməlidirlər və əldə etdikləri uğurları göstərməlidirlər.
			Aydın fikir formalaşması və həvəs: Namizədlərin öz ölkələrində idarəetmə sahəsində nələrin inkişafına ehtiyac olması barədə aydın fikir formalaşması olmalıdır.
			Birləşmiş Krallıqda qazanacağı təcrübəni idarəetmə və demokratik inkişafı daha da yaxşılaşdırmaq üçün istifadə etmək istəyi: Onların idarəetməni daha da yaxşılaşdırmaq üçün qazanacaqları təcrübədən öz işlərində necə istifadə edəcəkləri barədə aydın təklifləri olmalıdır.
			Komandada işləmək bacarığı: Müsabiqədə uğur qazanan namizədlər digər iştirakçılarla birgə işləyərək onların təcrübəsindən öyrənmək arzusu olan şəxslər olmalıdırlar.
			Yaxşı təqdimat bacarığı: Namizədlər inamla danışa bilməli və öz ideyalarını aydın təqdim etməyi bacarmalıdırlar.
			Kompüter biliyi: Ümumi kompüter savadı və elektron poçtdan istifadə bacarığı tələb olunur.

PROQRAMA UYĞUNLUQ GÖSTƏRİCİLƏRİ

Aşağıda bu proqrama uyğun namizədlərin sosial siyasi aktivliyini göstərə biləcək bir sıra punktlar göstərilmişdir:

Açıq siyasi sistemlərin inkişafında:

			İnformasiyadan istifadə imkanını aktiv irəli çəkmək (insan haqları, hüquqi şərtlər, xidmət işi və ya hüquqlar barədə informasiya)
			Media təşkilatlarının və ayrı-ayrı jurnalistlərin siyasi və sosial mövzuları aydın və qərəzsiz əhatə etmə bacarıqlarını artırmaq
			Ədalətli və şəffaf seçki prosesinin inkişaf etdirilməsini genişləndirmək (siyasi partiya nümayəndələri, xüsusi ilə qadınların maraqlarının ifadə edənlər daxil olmaqla)
			Siyasi partiyaların öz nümayəndələri və elektoratları ilə əlaqələrini  genişləndirmələrini artırmaları
			Parlament, assambleya şurası ilə hərtərəfli məsləhətləşmə aparmaq bacarığını möhkəmlətmək
			İşdə və ictimai həyatın bütün sferalarında işə qəbulda bərabər imkanları irəli sürmək

Ticarət və sərmayə üçün şəraitin formalaşması və makroiqtisadi stabilliyin yaradılmasında

			Hüquq, iqtisadiyyat və ya maliyyə sektoru institutları arasında sərbəst bazar və azad ticarətin inkişaf etdirilməsi sahəsində məlumatlanmanı irəli çəkmək.
			Yoxsul regionların iqtisadi inkişaflarının irəli sürülmə siyasətini formalaşdırmaq və ya buna köməklik göstərmək
			Büdcə ilə bağlı hazırlamalara, statistik hesablamalara, vəsaitin bölüşdürülməsi ilə bağlı qaydalara öz töhfəsini vermək

Başlıca xidmətlərdən effektiv istifadə üçün hamıya bərabər imkanlar yaratmaqda

			xidmət sahələrini yaxşılaşdırmaqda hökumət rəhbərlərinə, siyasi nümayəndələrə və ya istehlakçı qruplarına dəstək olmaq
			tarif strukturlara daha  proqressiv və  şəffaf olmaq üçün təsir göstərmək
			ictimai sektorda islahatlara təsir etməklə effektliliyi artırmaq, işçilərdən daha yaxşı istifadə etmək və onları daha yaxşı qiymətləndirmək və ya ictimai və özəl sektorlarda əməkdaşlığı genişləndirmək

Şəxsi təhlükəsizlik və ədalət mühakiməsinə girişə zəmanət verərkən

			Beynəlxalq aləmdə tanınmış insan hüquq və normalarını əks etdirməklə qanunlara yenidən baxılması və ya mövcud qanunların təbliğ olunmasına təsir etmək
			Polis orqanlarında və ya cəzaçəkmə müəssisələrində ictimai əsaslara, gender və gənclərə istiqamətlənən islahatları dəstəkləmək
			Polis orqanlarında və hüquq sistemlərində olan korrupsiyaya qarşı təlimlər keçirilməsi və digər yollar
			Hakimlər, magistrat üzvləri və hüquqşünasların təkmilləşdirilməsini və informasiya əldə etmə imkanlarını inkişaf etdirmək
			Xüsusən də imkansız qrupların vəziyyətinə təsir göstərə biləcək məhkəmə işlərinin ədalətlə və qısa zamanda aparılması üçün rəsmi yaxud qeyri-rəsmi məhkəmə sistemlərinin bacarığını genişləndirmək
			İctimai təhlükəsizlik və ətraf mühitlə əlaqəli islahatlara aktiv bağlı olmaq

Milli təhlükəsizlikdə və münaqişənin qarşısı alınmasında:

			Siyasi və idarəetmə institutlarının etnik, dini yaxud digər azlıqlarla bağlı məsələlərə münasibətlərinə təsir etmək
			Hərbi orqanların effektliliyini, məsuliyyətliliyini, mülki əhaliyə olan münasibətini yaxşılaşdırmaq
			Regionlar arasında və ya münaqişəli ərazilərdə sərhədlərin bərpa olunması və regionlar arasında əlaqələrin yaradılmasında əməkdaşlıq

Məsul hökumət və antikorrupsiya tədbirlərdə:

			Tədqiq etmək, vətəndaşlar ilə məsləhətləşmək və nəticələri hamıya elan etməklə korrupsiya halları ilə mübarizə yollarını müəyyən etmək
			Siyasi, özəl və dövlət sektorunda institutlarda korrupsiya ilə mübarizə tədbirlərini təqdim etmək
			Bütün dövlət orqanlarında şəffaflığı və məsuliyyəti irəli sürmək

NECƏ MÜRACİƏT ETMƏLİ?

Sənədlərin qəbulu üçün son tarix 9 Noyabr 2009-cu ildir.

ƏRIZƏLƏR

Ərizə formasını aşağıda verilən linklərdən onlayn əldə edə bilərsiniz.

Ərizə forması

Ərizənin doldurulma qaydaları

Rəy forması

RƏYLƏR

Ərizə formasına əlavə olaraq hər ərizəçi üçün 2 rəy - hazırkı iş yerinizdən və əlavə - tələb olunur. Əlavə rəy sizin əvvəlki iş yerinizdən, sizin bacarıq və təcrübəniz barədə məlumat verə biləcək iş yoldaşınız tərəfindən yazıla bilər. Zəhmət olmasa rəylərinizi göndərmək üçün 2010 JSFP Reference Form rəy formasından istifadə edin, çünki bu John Smith Memorial Trust tərəfindən qəbul olunan yeganə formadır.

İdealda rəylər ərizə forması ilə birgə göndərilməlidir. Lakin bu mümkün olmasa, iştirakçı seçildiyi halda ondan rəyləri təqdim etmək tələb olunacaq.

Universitet sənədləri

Ərizəçilər bütün universitet sənədlərinin (diplom və diploma əlavələr) orijinal və ya təsdiq olunmuş nüsxələrini təqdim etməlidirlər. Bütün sənədlər son qəbul tarixinə qədər təqdim olunmalıdır. Lakin bu mümkün olmasa, iştirakçı seçildiyi halda ondan sənədləri təqdim etmək tələb olunacaq.

IELTS

Müsahibədən keçmiş namizədlərin 2010-cu ilin yanvar ayının sonlarında IELTS ingilis dili imtahanı verməsi tələb oluna bilər. Adətən namizədlərin IELTS imtahanında minimum 6.0 bal toplaması lazımdır. IELTS imtahanı seçimin ən son mərhələsində tələb oluna bilər və yalnız a) müsahibəyə dəvət olunmuş namizədlər, yaxud da, b) müsahibə aparan heyət tərəfindən son siyahıya adı daxil olunan namizədlərə aiddir. Bütün namizədlərin bu testi verməsi tələb olunmasa da, müsahibə aparan heyət hər hansı namizədin test verməsini tələb edə bilər. İmtahanla bağlı xərclər Con Smit Xatirə Fondu tərəfindən ödənilir.

Nəzərə alın ki, IELTS testi John Smith Təqaüd Proqramı üçün seçim göstəricisi sayılmır.   

IELTS testi üçün seçilmək John Smith Təqaüd Proqramında yer qazanmağa dəlalət etmir.

Həmçinin də,  IELTS testindən azad olmada müsahibənin uğursuz olduğuna və yaxud da John Smith Təqaüd Proqramında yer qazanmağa dəlalət etmir.

Ərizə verməklə bağlı əlavə məlumatı British Council-ın Azərbaycandakı ofisindən əldə edə bilərsiniz

Landmark III

96 Nizami küçəsi

Tel +99412 4971593

Fax +99412 4989236

Email enquiries@britishcouncil.az

Seçimin son mərhələsi 2010-cu ilin fevral ayının ortalarında yekunlaşdırılacaqdır.

Con Smit Təqaüd Proqramı və Con Smit Xatirə Fondunun fəaliyyəti haqqında daha geniş məlumatı www.johnsmithmemorialtrust.org saytından əldə edə biləsiniz.